استنكرت الاعلامية ريهام سعيد، قرار محكمة جنح الجيزة، بحبسها 6 أشهر وغرامة 10 آلاف جنيه، في التهمة الأولى بالسب والقذف، والحبس عام وكفاله 15 ألف جنيه في تهمة التعدي على الحرية الشخصية لفتاة المول، وبراءتها من باقي التهم.

وقال سعيد عبر حسابها الشخصي على موقع التواصل الاجتماعي "فيسبوك" اليوم الاثنين، "النهارده بلدي كرمتني، بعد ١٣ سنه بعالج كل الناس و بخدم كل الي حواليه، بعد ١٢ سنه فتحت مدرسه لذوي الاحتياجات الخاصه و عالجت الاف الأطفال بفضل الله مانمتش و ماكلتش حتي فلوس والله ما اخدت".

وأضافت :" ضيعت عمري عشان اعمل حاجه للبلد دي، ضيعت حلم التمثيل الي تعبت فيه فالجامعة عشان ماسيبش الناس الغلابه، كنت مآشيه عكس التيار عشان أقول الحق، اخدت انهارده سنه و نص سجن، كنت بلف العالم أدور علي علاجات جديده للناس الغلابه و عمري ما قصدت و لا حاولت أشهر بحد".

وتابعت :"الاعلام مفهوش حاجه اسمها ستر مع أني ماتكلمتش لحد دلوقتي، ساعات الحقيقه بتكون فضيحه، كل الناس الي بتغلط و تشتم و تشهر بجد نجوم دلوقتي، المحامي بيقولي ده امر من فوق، فوق فين؟، كنت بقول تحيا مصر و يحيي العدل فين العدل؟ ريهام سعيد مجرمه لكن مرتضي مثلا عمره ما شهر بحد، خساره يا بلدي خساره مجهودي خساره يا مصر".