روى شاب مصري تفاصيل اللحظات الأخيرة في حياة الفنان الراحل ممدوح عبد العليم، مشيراً الى أنه كان متواجداً في الصالة التي يتردد عليها عبد العليم لممارسة الرياضة، وشاهد كل التفاصيل التي سبقت وفاته بدقائق.
وكتب الشاب جلال رأفت تدوينة على حسابه على “فيسبوك” قال فيها: “كنت في جيم نادي الجزيره و الفنان كان موجود كالعادة.. فجأة الناس بتجري عليه وانا بتفرج على الماتش مهتمتش قوي قلت اكيد داخ ولا حاجة و قشطة.. شوية لقيت المدرب جاي يقولي الراجل مات.. بقوله اغم عليه يعني؟ قالي لا مات مات.. وببص على الجيم حوليا الناس بتتمرن عادي جدا.. دقيقة وقالي مين جاب الجون التاني للزمالك..
ده بقي واحد عادي بيتمرن ومات.. ولا عيان ولا في مستشفي ولا اي حاجه.. في الجيم ومات.. والحياه ماشيه عادي والناس حوليه بتتمرن و بتتفرج علي الماتش.. رخيصه قوي قوي قوي قوي الدنيا دي”.
وأوضح اهد العيان جلال رأفت مزيداً من التفاصيل بوقله: “توضيح: انا معرفش الوطن نزل البوست ليه والله بس انا ولا فجرت مفاجأه ولا قصدي حاجه.. انا مقصدتش إن الناس قصرت معاه انا اقصد انه بعد ما مات ومشي، الناس عاشت حياتها عادي، انا متكلمتش على تقصير خالص الناس كانت معاه بتساعده أكيد”.
شاهد لحظة وفاة الفنان عبد العليم: