أقسـم بـأن الحـب ما هـو مستحيل
بس النفوس ضاقت و ماهو ذنبها
 

ضاقت وضاق القلب بالهم الثقيل 
وامسـى' يقلــب جمـرهـا وجـمارهـا
 

دنيــا ودانــت للمخــرب والدخيــل 
و ابن الحرام امسى زعيم اسيادها
 

تسقـي ورود القـرب للعبـد الذليل 
وتــذل كـم مــن حــر دق ابوابهــــا
 

لكـن ورب الكــون مـا ارضـى' بديل 
ماغيــر اخضعـهـــا وذل ركـابهـــــا
 

واعيش راقي الفكر وضاح الدليل 
لـــو بـاتــجــمــهــر مــرها ومــرارهـا
 

واكسر قيود الحزن بالصبر الجميل 
وصنــائــع المعـــروف أنــا أهــلا لهـــا
 

مـادام فيني عـرق لو عابـر سبيـــل
مانـي مـوطـي الـراس لـو بـاهـدهــــا
 

مادام معي مولاي يا الدرب الطويل 
اطـول وزيـد اطـول و هـات امثالهـــا
 

لابـد مـا اقطــع مـرادي ألـف ميــــل 
وأول الأمــيـــال مــيـــــــل اذلالهـــــــا
 

في عمق روحي و اعتزازي بالاصيل 
وأفعــال تِعْلــي القــدر بيــن اقيالهــا
 

انا تحملت الأسى و باقي قليــــــــــل
ما ضرني لو باتوفي جـــــــورهـــــــــا
 

من صغر سني أعرف ان العز حيل
شديت حيلــي معتـرف بأهوالهـــــا
 

من صغر سني اعرف ان الليل ليل
وان الرجولة ما تهين اصحابهــــــا
 

وان الاخوة فجر والقُربي' سبيــل 
وان السماحـــة ما تجــر اذيالهــــــا
 

وان النذالة راس مال اللي يميــــل
و ان المـروءة راس مـــال رجالهــــــا
 

ماني ضعيف لا ولا عـزمـي قليــل
يوم امتطيت الصعب ادري بحالهـا
 

عازم اقودك لو تميلي الف ميـــل
لو تجلبي شم النوى و احقادهـــــا
 

لازم حدودي وماسك بحبل الجليل 
لــو بـا تبــدل شكـلــهـــا وألـوانـهــــــا

15 / 2 / 2017